مفت ای بُکس اور مفت آڈیو بُکس

پنجابی 1

ایس عنوان دا خاص سرنانواں ”پانی تے رُوح دے نال نویں سریوں جمنا اے ۔ “ ایہہ ایس سرنانویں بارے بناؤن دی طاقت رکھدا اے ۔ دوجے اکھراں وچ، ایہہ کتاب خاص کر کےدسدی اے پئی بائبل دے مطابق ہُو بہُو ، نویں سریوں جمنا کیہ اے تے پانی تے رُوح نال نویں سریوں جمن دا طریقہ کیہ اے ۔ پانی یردن وچ یسوع دے بپتسمے دانشان اے تے بائبل دسدی اے پئی ساڈے سارے پاپ یسوع اُتے اوس ویلے لدے گئے سن جدوں اوہنے یوحنا بپتسمہ دین والے کولوں بپتسمہ لیا سی۔ یوحنا سارے لوکاں دا نمائندہ تے وڈےکاہن ہارون دی پیڑھی وچوں سی۔ ہارون قربانی دے بکرے دے سر اُتے اپنے ہتھ رکھدا تے بنی اسرائیل دے سارے ورہے دے پاپاں نوں فدیہ دیہاڑے اوہدے اُتے لد دیندا سی ۔ ایہہ آؤن والیاں چنگیاں شیواں داپرچھاواں اے ۔ یسوع دا بپتسمہ ہتھ رکھے جان وانگر اے ۔
یسوع نے یردن اُتے ہتھ رکھے جان وانگر بپتسمہ لیا سی ۔ ایس لئی اوہنے اپنے بپتسمے راہیں جگ دے سارے پاپاں نوں مکا دتا تے پاپاں دا مُل اُتارن لئی سولی اُتے مریا سی ۔ پر بوہتے مسیحی نئیں جان دے پئی یسوع نے یردن دے دریا وچ یوحنا بپتسمہ دین والے کولوں کیوں بپتسمہ لیا سی ۔ یسوع دا بپتسمہ ایس کتاب دا خاص مطلب ، تے پانی تے رُوح دی خوشخبری دا اٹل ضروری حصہ اے ۔ اسیں صرف یسوع دے بپتسمے تے اوہد ی سولی اُتے ایمان رکھ کے ای نویں سریوں جم سکدے آں ۔

پنجابی 2

آؤ پانی تے روح دی خوشخبری ول پرت آؤ۔ علم الہیات تے مذہبی تعلیماں سانوں نجات نہیں دے سکدیاں۔فیر وی بوہت سارے مسیحی ہُن تک اوہناں دے پیراں اُتے چلدے نیں، تے نتیجا اے وے پئی کہ اوہجے نویں سریوں نہیں جمے۔ ایہہ کتاب سانوں واضح طور تے دس پاوندی اے پئی کہ الہی تعلیم تے الہی عقیدے کی غلطیاں کر چکے نیں تے کویں اسی مناسب ول نال یسوع اُتے ایمان رکھنا اے۔

پنجابی 3

مسیحیت وچ ،پاپاں توں مکتی تے پاک رُوح نال بھرنا، جیہے سرناویاں اُتے سب توں بوہتی بحث کیتی جاندی اے ۔ فیر وی کُجھ تھوڑے لوک ایناں دونواں گلاں دے بارے ٹھیک علم رکھدے نیں ،بھانویں ایہہ مسیحیت دے بڑے خاص سرناویں ہیگے نیں ۔ فیر وی بھانویں لوک ایہہ آکھدے نیں پئی اوہ یسوع اُتے ایمان رکھدے نیں،پر اصل وچ اوہ مکتی تے پاک رُو ح تو ں بوہت دُور نیں۔
کیہ تسیں ایس خوشخبری نوں جان دے جے جیہڑی پاک رُوح پاؤن وچ تہاڈی مدد کردی اے ؟ جے تسیں خُدا توں پاک رُوح نال بھرن دی منت کرنا چاہندے او،تے پہلاں تہانوں پانی تے رُوح دی خوشخبری نوں جانن تے فیر ایہدے اُتے ایمان لیاؤن دی ضرورت اے ۔یقیناً ایہہ کتاب سارے جگ وچ سارے مسیحیاں دی اَگوائی کرے گی پئی اوہ اپنے پاپاں دی معافی پاؤن تے پاک رُوح نال بھر جان۔

پنجابی 9

اسیں خیمۂ اجتماع وچ لُکی ہوئی سچیائی نوں کویں لبھ سکدے آں ؟ صرف پانی تے رُوح دی خوشخبری نوں جان کے، جیہڑا خیمۂ اجتماع اصل جوہر اے، اسیں ایس سوال دے جواب نوں ٹھیک طریقے نال سمجھ تے جان سکدے آں۔
اصل وچ، خیمۂ اجتماع دے برانڈے دے پھاٹک وچ ظاہر کیتے گئے اسمانی، ارغوانی تے لال دھاگے تے مہین وٹے ہوئے کتان سانوں نویں عہد نامے دے زمانے وچ یِسُوعؔ مسیح دے کم وکھاؤندے نیں جیہڑے اِنسانی پیِڑھی نوں بچا چُکے نیں۔ ایس طرح، پُرانے عہد نامے دا خیمۂ اجتماع دا کلام تے نویں عہد نامے دا کلام، مہین وٹے ہوئے کتان وانگر نیڑے نیڑے تے پکے یقین نال اک دوجے نال میل جول رکھدے نیں ۔ پر، بے نصیبی نال، ایہہ سچیائی مسیحیت وچ ہر سچیائی نوں لبھن والے کولوں بوہت چِر تیک لُکی رہی اے۔