The New Life Mission اپنی بہترین صلاحیتیاں نال خُدا دی خدمت لئی چنگی آس رکھدی اے ، تاں پئی ایناں مفت مسیحی کتاباں دے راھیں ، تُسیں یسوع مسیح نال مل سکو جیہڑا پانی تے رُوح دے راھیں آیا اے ، صحیفیاں دے کلام وچوں ، ساڈیاں مفت مسیحی کتاباں سوکھے طریقے نال ایس سچیائی دی وضاحت کردیاں نیں جیہدے راھیں انسان پانی تے رُوح نال جم سکدا اے۔ اسیں تہانوں اپنیاں کتاباں پڑھن دی شاباش آکھدے آں، جیہڑیاں چھپیاں ھوئیاں تے برقی راھیں دونواں طریقیاں نال تہانوں دتیاں گئیاں نیں ، تے ایناں کتاباں وچ واضح کیتی ھوئی سچیائی نوں لبھو۔ بوھتے سارے لوک ایس ھنیرے دے دناوں وچ سچیائی لئی ترسدے پئے نیں۔ اسیں مسیح دے سپاھیاں نوں لبھدے پئے آں ،تے اسیں اوھناں نال رل کے کم کرنا چاؤھندے آن جیہڑے ایناں لوکاں نوں خُدا دی راستبازی دی اگوائی کرن لئی منارے وانگر خدمتاں کر سکدے نیں ۔ کُل 66 جلداں والیاں ، The New Life Mission دی مفت مسیحی کتاباں خُدا دے کلام نال بھریاں ھوئیاں نیں ۔ جنہاں وچ انساناں دی مکتی ، مسیحی حیاتی ، ھزارورھیاں دی بادشاہی تے اسمانی بادشاہی تے ھمیش دی حیاتی دی وضاحت کیتی گئی اے ۔ ایہہ کتاباں ایہو جیہے کھیت وانگر نیں جتھے اسمانی بادشاہی دے خزانے لُکے ھوئے نیں ۔اسیں چاؤھندے آں پئی تُسیں پانی تے رُوح دی خوشخبری اکھواؤن والے مہنگے خزانے نوں لبھو،تے اپنے کول موجود سارا کُجھ ویچ کے ایس کھیت نوں خرید لووو۔ اسیں اپنی کتابیاں دے راھیں تہانوں یسوع مسیح دی راستبازی ول موڑنا چاؤھندے آں ، تے اسیں مسیح وچ تہاڈے نال رَل کے راستباز کم کرنا چاؤھندے آں ۔